Кыргызстандык балбан Жоламан Шаршенбеков Казакстанда өтүп жаткан күрөш боюнча Азия чемпионатынын финалына чыкты.
Шаршенбеков грек-рим күрөшү боюнча 60 кг салмакта катышып, алгач ал индиялык Сумит аттуу балбанга бир дагы упай бербестен, 10:0 эсебинде уткан.
Ал эми жарым финалда кыргыз балбаны япониялык Майто Кавананы 4:0 эсебинде жеңди.
Белгилей кетсек, мелдеште буга чейин Акжол Махмудов алтын, Роман Ким коло медаль багындырган.