• Ишенби 24 Бирдин айы 2024
  • Суббота 24 Февраль 2024

Журналист Эрмек Аттокуров кармалды. Милиция эмне дейт?

9 февраля 2024 в 10:02 Бишкек Govori.TV

Журналист Эрмек Аттокуров кармалды. Чүй ОИИБдин маалыматы боюнча, Аттокуров Кылмыш-жаза кодексинин “Опузалап талап кылуу” беренесине шек саналып кармалган.

Милицияга Аттокуров менен Т.А., аттуу жаран укук коргоо органдарынын кызматтык адамдарынан 1 миллион сом опузалап талап кылган деген маалымат түшкөн.

Бул факты Чүй облустук милициясына катталып, кылмыш иши козголгон.

«Эрмек Аттокуров талап кылган сумманын 100 миң сомун алып жатканда кармалып, убактылуу кармоочу жайга киргизилген»,-деп жазылат маалыматта.

Тергөө иштери уланууда.

Эрмек Аттокуров 2023-жылдын март айында кошунасы аны үйүнөн сабаганын айтып, Чүй облустук милициясы, Сокулук райондук ички иштер бөлүмү чара көрбөй жатканына даттанган. Ошол эле учурда Эрмек Аттокуровдун кошунасы “таштандыны менин үйүмдүн алдына тыштайсын” деп ур-токмокко алганын айтып арыз жазган.

Бул иш боюнча Сокулук райондук соту былтыр Эрмек Аттокуровду күнөлүү деп таап, 30 миң сом айып салган. Ал бул чечимге каршы апелляциялык арыз менен Чүй облустук сотуна кайрылып, облустук сот тараптардын жарашуусуна байланыштуу ишти кыскарткан.

8-февраль күнү Фейсбуктагы баракчасына “ага каршы Чүй облустук жана Сокулук райондук милициясы чагымчыл иштерди даярдап жатканын” жазган.

Кошумчалай кетсек, Аттокуров буга чейин “Бешинчи каналда” жана НТС телеканалында журналист болуп иштеген.

Количество просмотров: 141