Кыргыз Республикасынын Президенти Садыр Жапаров «Калкка мамлекеттик жана муниципалдык кызмат көрсөтүүлөрдүн жеткиликтүүлүгүн жана сапатын жогорулатуу боюнча мындан аркы чаралар жөнүндө» Жарлыкка кол койду.
Анда жоготуу учурларын кошпогондо, 2021-жылдын 1-майынан баштап Кыргыз Республикасынын жарандарына ID-карталарын акысыз негизде берүү каралган.
Жарлыкка ылайык, акысыз ID-карталар төмөнкү жарандарга берилет:
-16 жашка толуп, биринчи жолу алуучуларга;
-белгиленген тартипте каттоодо турган муктаж үй-бүлөлөргө;
-бардык категориядагы майыптарга;
-пенсионерлерге;
-Улуу Ата Мекендик согуштун жана Баткен окуяларынын катышуучуларына.