Бүгүн, 6-ноябрда Бишкек шаарында көп кабаттуу имараттан жаш кыз секирип кетти. Бул тууралуу видео маалымат каражаттарына жарыяланды.
Болжолдуу маалымат боюнча, окуя Киев менен Тыныстанов көчөлөрүнүн кесилишинде жайгашкан курулуш объектисинде («Бай-Таш груп» компаниясына таандык) болгон. Жаш кыз 11-кабаттан пенопластка кулап түшкөн.
Биринчилерден болуп окуя болгон жерге Патрулдук милициянын кызматкерлери барып, андан кийин тез жардам кызматын чакырышкан. Кыз тирүү калып, ооруканага жаткырылган.
