• Шейшемби 30 Жетинин айы 2021

110 миң үй-бүлө үчүн электр энергиясына болгон баа 50 тыйынга чейин төмөндөйт

26 ноября 2021 в 13:56 Бишкек Govori.TV

Кыргызстандын президенти Садыр Жапаров Коопсуздук кеңешинин жыйынында аз камсыз болгон үй-бүлөлөр үчүн электр энергиясына тарифтерди төмөндөтүүнү тапшырды.

“Азык-түлүк жана тарифтерге баа кымбаттап жатат. Мамлекет тарабынан мүмкүн болгон жардамды берүү керек. Өлкөдө жөлөк пул алган 110 миң 518 аз камсыз болгон үй-бүлөлөр бар. Алар азыр оор абалда турат, эгер ар бир үйдө 5 адамдан болгондо эле 500 миң адам”, — деди мамлекет башчысы.

Садыр Жапаров Экономика жана коммерция, Эмгек, социалдык камсыздоо жана миграция, Энергетика министрлигинин башчыларына 2022-жылдын 1-январынан тартып ушул категориядагы үй-бүлөлөр үчүн электр энергиясынын тарифин киловатт саатына 50 тыйынга чейин төмөндөтүүнү тапшырды.

“Калган 27 тыйыны мамлекет тарабынан субсидияланат. Бул тапшырманы аткарууга бир ай убакыт берем. 31-декабрга чейин аз камсыз болгон үй-бүлөлөрдүн тизмесин кайра карап чыгуу зарыл”, — деди президент.

Количество просмотров: 253