152 адам COVID жуктуруп, 6 бейтап каза болду

Кыргызстанда 30-августка карата коронавирус дагы 152 адамдан аныкталды. Бул тууралуу коронавируска каршы Республикалык штаб билдирди.

Жаңы учурлар:

— Бишкек шаарында 67 адам;

— Чүй облусунда 19 адам;

— Жалал-Абад облусунда 6 адам;

— Ысык-Көл облусунда 43 адам;

— Баткен облусунда 12 адам;

— Талас облусунда 4 адам;

— Ош шаарында 1 адам;

— Ош облусунда катталган жок;

— Нарын облусунда катталган жок.

Сутка ичинде COVID-19 илдетинен өлкө боюнча алты бейтап каза болду.

Ал эми бир суткада 300 адам илдеттен сакайып чыккан. Бүгүнкү күндө стационарларда коронавирустан 1 миң 132 бейтап, амбулатордук түрдө 1 миң 226 адам дарыланууда.

Кыргызстанда пандемия башталгандан бери 175 миң 889 адам коронавирус жуктурган. Алардын ичинен 169 миң 417 киши айыгып чыкса, 2 миң 524 адам каза болду.