Кадамжайда Тойота Ленд Крузер автоунаасы окуучу кызды сүзүп кетти. Бул туурасында Баткен облустук жол кыймылынын коопсуздугун камсыздоо башкармалыгынын үгүт-насаат иштери боюнча инспектору Бектемир Мамытов билдирди.
Маалыматка ылайык, жол кырсыгы 31-май күнү саат 12:30 чамасында болгон. Анда кыз жүрүп келе жаткан унаанын алдынан чыга калган. Алган жаракаты оор болгондуктан 2014-жылы туулган М. А. ооруканада көз жумган.
Учурда иликтөө иштери жүрүп жатат.