40 адамдан COVID-19 табылып, 1 бейтап каза болду

29-декабрга карата коронавирус дагы 40 адамдан аныкталды. Бул тууралуу коронавируска каршы Республикалык штаб билдирди.

Жаңы учурлар:

Бишкек шаарына – 14,

Чүй облусунда – 9,

Ысык-Көл облусунда – 8,

Жалал-Абад облусунда – 7,

Баткен облусунда – 2.

Ал эми бир суткада 50 адам илдеттен сакайып чыкты, бир бейтап каза болду.

Бүгүнкү күндө стационарларда коронавирустан 266 бейтап, амбулатордук түрдө 312 адам дарыланууда.

Кыргызстанда пандемия башталгандан бери 184 миң 592 адам коронавирус жуктурган. Алардын ичинен 179 миң 730 киши айыгып чыкса, 2 миң 799 адам каза болду.