20-ноябрда Улуттук тарых музейинин расмий ачылышы болот. Бул тууралуу Маданият, маалымат, спорт жана жаштар саясаты министрлигинен билдиришти.
Маалыматка караганда, 20-30-ноябрь күндөрү саат 10:00дөн 18:00гө чейин бардык жарандар музейге акысыз кире алышат. Музейге кирүү алдында жарандар кирүү тартиби жана экскурсия шарттары менен тааныша алышат.
Эске салсак, тарых музейи 2016-жылы оңдоп-түзөө үчүн жабылган. Аны реконструкциялоо иштерин Түркиянын Кызматташтык жана координация агенттиги (ТИКА) милдетине алган. Бирок кийинчерээк оңдоп-түзөөнүн биринчи этабы аяктаган соң, Кыргызстан менен Түркиянын мамилеси солгундап кеткенине байланыштуу ТИКА ишти андан ары улантууну белгисиз мөөнөткө токтотуп койгон. Музейди реконструкциялоо иштери толугу менен Архитектура, курулуш жана турак жай-коммуналдык чарба мамлекеттик агенттигине жүктөлгөнү, алар маданий жайдын ичин жасап, оңдоо иштерине немец компаниясын дагы тартып, ортодо чет өлкөлүк компанияга 19 миллион сомдун тегерегинде карыз болуп калганы маалымдалган. Карызды төлөмөйүн чет элдик компания музейдин ичиндеги мультимедиалык жабдуулардын паролу менен ачкычын бербей турганын айтышкан. Жакында гана тергөө жана сот иштери бүтүп, германиялык компанияга болгон 225 миң евро карыз төлөнүп берилгени белгилүү болду.
Бишкек шаарында эки музейдин иштөө убактысы узарды. Бул тууралуу Маданият, маалымат, спорт жана жаштар саясаты …
Бүгүн, 26-ноябрда аба ырайынын сууктугуна карабай оңдоп-түзөөдөн кийин кайра ачылган Улуттук тарых музейине келгендердин кезеги …
Бүгүн, 19-ноябрда Бишкек шаарындагы Улуттук тарых музейи расмий ачылышы өтүп жатат. Иш-чарага президенттин кеңешчиси Арслан …
Маданият министри Азамат Жаманкулов Жогорку Кеңештин жыйынында Бишкектеги Мамлекеттик тарых музейи качан ачыла турганын айтты. …
Бишкектеги Улуттук тарых музейи германиялык адистерге 225 миң евро карыздан улам ачылбай турат. Бул тууралуу …
Бишкектеги Мамлекеттик тарых музейин үстүбүздөгү жылдын ноябрь айында ачуу пландалып жатат. Бул тууралуу “Кабар” агенттигиндеги …
