Бишкек.30.07.2019.Govori.TV.
Бразилиянын түндүгүндө жайгашкан абакта козголоң чыгып андан 52 кылмышкер каза болду.Бул тууралуу чет элдик басылмалар жазды.
Маалыматка караганда, өлкөнүн түндүгүндө орун алган Пара облусунун Алтамира абагында, эки бандалык топтун ортосунда кагылышуу орун алып, тополоңдо 52 киши каза тапкан.
Козголоң 5 саатка созулуп, анда кылмышкерлер абактын бир бөлүгүн өрттөп жиберишкен. Андан тышкары, каза болгондордун ичинен 16 адамдын башы мыкаачылык менен кесилип, калгандарынын көпчүлүгү өрттүн түтүнүнөн ууланып каза тапкан.