Бүгүн, 6-сентябрда Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин кезектеги жыйынында “Адамдарды сатуунун алдын алуу жана ага каршы күрөшүү жөнүндө” Кыргыз Республикасынын мыйзамына өзгөртүүлөрдү киргизүү тууралуу” мыйзамдын долбоору биринчи окууда каралды.
Жыйында баяндама жасаган ички иштер министринин орун басары Нурбек Абдиев белгилегендей, мыйзам долбоору адамдарды сатуунун алдын алуу жана ага каршы күрөшүү механизмдерин өркүндөтүү, мыйзамдын нормаларын Кыргыз Республикасынын Конституциясынын жаңы редакциясына ылайык келтирүү, ошондой эле мыйзамдарда орун алган кемчиликтерди жоюу максатында иштелип чыккан.
Талкуу маалында депутат Русланбек Жакышов чет өлкөгө иштегени кетип, алдамчылардын айынан ара жолдо калган мекендештер арбын экенин белгилеп: “Алсак, жакында эле мага кайрылуу келип түштү. Тагыраагы, Түркияга ишке чакырылып, бирок Сирияга барып калган кыргыз кыз-келиндери учурда аталган өлкөдө абакта кармалып жаткан экен. Андыктан бул маселе өтө курч”,– деди. Муну менен катар адам сатуунун курмандыгы болгондор боюнча статистикалык маалыматтар кандай экенине кызыкты.
Өз кезегинде ички иштер министринин орун басары Нурбек Абдиев былтыркы жылы адам сатуу фактысы боюнча 9 кылмыш иши козголгонун маалымдап, быйылкы жылы 3 кылмыш иши иликтенип жатканын кошумчалады. Андан тышкары, башка мамлекеттерге да ишке чакырып, алдап кеткен окуялар да бар экенине токтолду. “Ага ылайык, биздин жарандар көп барган мамлекеттер менен келишимдерди түзүп, анын алкагында тиешелүү жумуштар аткарылууда”, – деди баяндамачы.
Талкуудан соң тармактык комитет мыйзам долбоорун биринчи окууда кабыл алды.
Шаршембиде грузин парламенти “Тышкы таасирдин ачыктыгы жөнүндө” мыйзам долбоорун экинчи окууда кабыл алды. Документти 150 …
Жогорку Кеңештин депутаты Миргүл Темирбаева мектептерде мыйзамсыз акча чогултуу үчүн айып пул салууну сунуштоодо. Тиешелүү …
ИИМдин Кылмыш иликтөө башкы башкармалыгынын кызматкерлери опузалап талап кылып жүргөн шектүүлөрдү кармашты. Бул тууралуу ИИМдин Басма …
Президент Садыр Жапаров “Кыргыз Республикасынын айрым мыйзам актыларына (Кыргыз Республикасынын Турак жай кодексине, “Аскер кызматчыларынын …
Жогорку Кеңештин депутаты Эмилбек Жусупов 20-апрелде мандатын тапшыруу боюнча Борбордук шайлоо комиссиясына (БШК) арыз жазды. …
ИИМдин Кылмыш иликтөө башкы башкармалыгынын кызматкерлери тарабынан мындан 9 жыл мурун жасалган өзгөчө оор кылмыштын бети …
