Бүгүн, 19-январда коррупцияга шек саналып кармалган Мамлекеттик бажы кызматынын төрагасы Адилет Кубанычбековдун тарапташтары УКМКнын алдына нааразычылык акциясына чыгышты.
Чогулгандар Кубанычбековду үй камагына бошотуу талабын коюшту. Адилет Кубанычбековдун бөгөт чарасы 19-январда Бишкектин Биринчи май райондук сотунда аныкталат деп күтүлүүдө.
Эске салсак, 17-январь күнү Улуттук коопсуздук кызматы Бажы кызматынын төрагасы Адилет Кубанычбековду коррупцияга шектеп кармаган. Ал бул кызматка өткөн жылдын 27-октябрында дайындалган.