• Бейшемби 28 Тогуздун айы 2021

Айсулуу Тыныбекова алтын утуп, экинчи жолу дүйнө чемпиону болду

6 октября 2021 в 8:58 Бишкек Govori.TV

Кыргызстандык балбан Айсулуу Тыныбекова кыз-келиндер күрөшү боюнча дүйнө чемпионатынан алтын медаль утту.

Ал финалда америкалык спортчу Кайла Коллин Кийоко Миракл менен беттешип, 7:0 эсеби менен жеңишке жетти.

Тыныбекова буга чейин жарым чейрек финалда жапониялык Нонока Озакини 6:4 эсебинде, чейрек финалда белорусиялык Вераника Иванованы 6:6 эсебинде жеңген. Жарым финалда украиналык Илона Прокопевнюк менен күрөшүп, 5:2 эсебинде утту.

28 жаштагы Айсулуу Тыныбекова дүйнө чемпионатынын алтын (Нур-Султан, 2019-ж.) жана коло медалдарын (Париж, 2017-ж.) тагынган. Токиодо өткөн Олимп оюндарында күмүш медаль уткан. Азиянын төрт жолку чемпиону.

Количество просмотров: 120