Айсулуу Тыныбекова мамлекеттен канча сом сый акы алат?

Айсулуу Тыныбекова Парижде өткөн Олимп оюндарында коло медаль тагынды. Ал эркин күрөш боюнча 62 кг чейинки салмакта күч сынады.

Министрлер кабинетинен билдиришкендей, Париждеги оюндарда коло медаль уткан
спортчулар 5 млн сомдон алышат.

2021-жылдагы Токио Олимпиадасынын жеңүүчүлөрүнө алтын медаль үчүн 10 млн сом,
күмүш медаль үчүн 7,5 млн сом жана коло медаль үчүн 5 млн сом убада кылынган. Бирок
Олимпиада аяктап, Кыргызстандын спортчулары кайтып келгенден кийин бул маселе
кайрадан каралып, сыйлыктын суммасы жогорулаган. Тактап айтсак, 2-орун үчүн 10
млн сом, 3-орун же коло байге үчүн 7 млн сом берилди. Ошондой эле 5-6-7-орунга жеткен
спортчулар да 1 млн сом акчалай сыйлык менен сыйланган.

Башкы машыктыруучу үчүн спортчунун акчалай сыйлыгынын 30%ы, ал эми улук жана
жеке машыктыруучу үчүн спортчунун акчалай сыйлыгынын 25% өлчөмүндөгү сый акы
берилет.

Жеңүүчүнүн биринчи машыктыруучусу спортчунун сыйлыгынын 10% өлчөмүндөгү сый акы алат. Медицина кызматкерлерине төлөнүүчү төлөмдөр Олимпиада оюндарынын жеңүүчүлөрүнүн жалпы байге фондусунун 10%ын түзөт. Ошондой эле жеңүүчүлөргө эки батир жана «Тойота» үлүгүсүндөгү автоунаа убада кылынган.

Айсулуунун жеке машыктыруучусу жана эркин күрөш боюнча кыз-келиндер курама
командасынын башкы машыктыруучусу Нурбек Изабеков, улук машыктыруучу —Байгазы Кенжебаев