Бишкек шаарында уурдалып, киши колдуу болгон Айзада Канатбекованын өлүмүнө байланыштуу шалаакылыкка айыпталган Бишкек шаардык милициясынын мурдагы башчысы Бакыт Матмусаев акталды. Бул тууралуу Айзада Канатбекованын жакындарынын адвокаты Нурбек Токтакунов фейсбуктагы баракчасына жазды.
Маалыматка ылайык, иш 8-май күнү Биринчи май райондук сотунда каралган. Чечимди судья Чолпонай Уметалиева чыгарган.
Биринчи май районук сотунун басма сөз кызматы бул боюнча комментарий бере элек.
Эске салсак, Айзада Канатбекова 2021-жылдын 5-апрелинде уурдалган. Окуянын видеосу социалдык тармактарга жарыяланды. Эки күндөн кийин ал жана аны ала качкан адамдын жансыз денеси табылган. Кыздын өлүмүнө байланыштуу иш кийин токтотулган, буга ага кол салган Теңизбаев өзүн өзү өлтүргөнү себеп болгон. Ал эми аны уурдоого катышкан беш киши 6,5-7 жылга кесилген.
Кызды көчөдө кетип бараткан жеринен кармап, уурдап кетишкен окуянын видеосу жарыяланганына карабастан аны эки күн таба албай коюшкандан кийин коомчулукта милициянын дарегине кескин сын айтылган. Ондогон милиция кызматкерине «шалаакылык» деген берене менен иш козголгон. ИИМ 12 кызматкер иштен алынганын, 27сине эскертүү берилгенин жана бешөөнө сөгүш жарыяланганын маалымдаган.
Бишкек шаардык милициясын ошол кезде жетектеп турган Бакыт Матмусаев кызматтан алынган.
Бишкектин Биринчи Май райондук сотунда ички иштер башкармалыгынын экс-жетекчиси Бакыт Матмусаевдин үстүнөн соттук отурум башталды. …
Бишкекте 2021-жылы уурдалып, киши колдуу болгон Айзада Канатбекованын өлүмүнө байланыштуу укук коргоо органдарына чара көрүү …
Бүгүн, 1-июлда Бишкек шаарынын Биринчи Май райондук соту 27 жаштагы Айзада Канатбекованы уурдоо жана өлтүрүү …
Бишкектин Биринчи май райондук сотунда адам уурдоонун курмандыгы болгон Айзада Канатбекованын өлүмүнө байланыштуу 15-июнга белгиленген …
Ала качуунун курмандыгы болгон Айзада Канатбекова киши колдуу болгон жердеги сүрөтүн жарыялаган үч милиция кызматкери …
Бишкектин Свердлов райондук соту Айзада Канатбекованы уурдаганга катышкан шектүүлөрдүн баш коргоо чарасын карап, 7-июнга чейин …
