Кыргызстандын мурдагы президенти Аскар Акаев Москвага учуп кетти. Акаев «Кумтөр» иши боюнча көрсөтмө берип, анын катышуусунда бардык тергөө иштери аяктаганы кабарланды.
Ал эми коомдук ишмер Бекболот Талгарбеков Акаевге коюлган бардык айыптар алып салынганын билдирген.
«Мурдагы мамлекет башчыдан бардык айыптар алып салынды. Акаевге козголгон иште кылмыш жок болгондуктан токтотулган. Тергөөдө анын өзү да, жакындары да «Кумтөр» долбоорунан акча алышпаганы аныкталган. Ал үчүн мекенине жол ачык, каалаган убакта келе алат. Бул сапарда Аскар Акаевди уулу Илим коштоп жүрдү», — деп билдирген ал.
Ал арада мурдагы мамлекет башчынын жактоочусу Айбек Самарбеков «Кумтөр» иши боюнча тергөө толук бүтө электигин, андыктан мурдагы президентке коюлган айыптардын баары алынып салынды деп айтууга эрте экенин айткан.
«Тергөө уланууда, кылмыш иши токтотула элек. Бул ишке тиешеси бар бардык адамдар шектүү катары суракка алынууда. Алардын арасында Аскар Акаев да бар. Ал бардык суроолорго жооп берип жатат жана кийинки жолу качан суракка чакырылары белгисиз. Бирок, Аскар Акаевге эркиндигине эч кандай чектөөлөр коюлган жок, ошондой эле өлкөдө ээн-эркин жүрө алат», — деди Айбек Самарбеков.
Жаралган бул маселе коомчулукта бир катар талкууларды жаратты.
Жогорку Кеңештин 90 депутатынан 15 эл өкүлү мандатын тапшырышты. БШК айрым эл өкүлдөрүнүн мандаттарын алып, …
«GOVORI.TV» мультимедиялык маалыматтык агенттиги медиа айдыңындагы “Кыйын” телевизиондук ток-шоусунун алкагында онунчу тренинг уюштуруп, өлкөнүн булуң-бурчунан …
«Крокус Ситидеги» терактта 140тан ашуун киши каза болгону, 500дөн ашыгы жабыркаганы расмий маалымдалды. Россиядагы кыргызстандык …
Бажы кызматынын төрагасынын мурдагы орун басары, издөөдө жүргөн Райымбек Матраимов Азербайжандын борбору Баку шаарынан кармалып, …
Билим берүү жана илим министри Догдуркүл Кендирбаева Govori.TVнын «Майдан» дебатында 12 жылдык окуу боюнча суроолорго …
Кыргызстанда билим берүү тармагын реформалоо демилгеси көтөрүлүп, 12 жылдык окутуу системасы сунушталууда. Буга чейин деле …
