Акыйкатчы институтунун (Омбудсмен) кызматкерлери камалган “Полит Узник” баракчасынын админстратору Ырыс Жекшеналиев менен жолугуп чыкты. Бул тууралуу мекеменин басма сөз кызматы билдирди.
Омбудсмен кызматкерлерине Жекшеналиев милицияда кыйноо же орой мамиле болбогонун билдирген. Ал өзүнө тагылган айыптарга макул эместигин билдирген. Учурда анын жактоочусу иш-материалдары менен таанышып жатат.
«Жекшеналиев Ырыс өзүнө тагылган айыптарга макул эместигин билдирет. Бүгүн же эртең баш коргоо чарасын аныктоо боюнча сот отуруму болот. Акыйкатчы аппаратынын юристтери адам укуктарынын сакталышына парламенттик көзөмөл жүргүзүү максатында аны камакка алган жагдайларды иликтеп жатышат»,-деп жазылат маалыматта.
Кошумчалай кетсек, 19 жаштагы Жекшеналиев 14-августта Улуттук коопсуздук комитетинин мурдагы төрагасы Абдил Сегизбаевдин Жетим-Тоо тууралуу айткандары тартылган видеосун аталган баракчага жайгаштырганы үчүн милицияга чакырылып, камалганы белгилүү болгон. Милиция Кылмыш жаза кодексинин 278-беренесинин («Калайман баш аламандык») 3-бөлүмүнө («Бийлик өкүлдөрүнүн мыйзамдуу талаптарына жигердүү баш ийбөөгө жана массалык баш аламандыктарга чакырыктар, ошого тете жарандарга зомбулук көрсөтүүгө чакырыктар») ылайык кылмыш иши козгогон.
КРдин Акыйкатчы Институтунун кызматкерлери №3 түзөтүү мекемесине барып, соттолгондордун шарттарын көрүп келишти. Акыйкатчылыктын маалыматына ылайык, …
Акыйкатчы институту Ош шаарындагы №5 тергөө абагынын, ошондой эле, улгайган адамдар үчүн жатак интернатта жарандардын …
Акыйкатчы институтунун жалпы жамааты Жогорку Кеңештин төрагасына жана фракция башчыларына кайрылуу жолдоду. Ага 57 кызматкер …
Акыйкатчы институтунун жооптуу кызматкеринен коронавирус илдети аныкталды. Бул тууралуу Кыргыз Республикасынын акыйкатчысы Атыр Абдрахматова бүгүн, 22-июлда Фейсбук …
Кыргызстандын Акыйкатчысынын аппаратынын экинчи кызматкеринен коронавирус аныкталды. Бул тууралуу Акыйкатчы институтунун басма сөз кызматы билдирди. …
Акыйкатчынын бөлүм башчыларынын биринен коронавирус аныкталды. Бул тууралуу мекеменин басма сөз кызматынан билдирди. Маалыматка караганда, …
