Акыйкатчынын аппаратынын кызматкерлери абакта жаткан саясатчы Жеңиш Молдокматовдон кабар алды. Бул тууралуу ведомствонун басма-сөз кызматы билдирди.
Маалыматка ылайык, 27-июлдан баштап ачкачылык жарыялаган оппозициячыл саясатчы Жеңиш Молдокматовдун абалы канаттандырарлык. Молдокматов денсоолугу күн сайын начарлап жатканын айткан. Ошондой эле, анын суранычы боюнча дарыгердин текшерүүсүнөн өткөн. Кароонун жыйынтыгы боюнча, дарыгер зарыл болгон медициналык текшерүүлөрдү жана туруктуу медициналык көзөмөлдөн өтүп туруусун айткан.
«Жеңиш Молдокматов азыркы күнгө чейин 80 томдон турган кылмыш ишинин 17 тому менен таанышып чыкканын айтты. Ошол эле учурда ал №1 СИЗОго которулуу ага иштин материалдары менен толук таанышууга мүмкүнчүлүк бербей тургандыгын белгиледи. Ушуга байланыштуу, ал Бишкек шаарынын Ички иштер башкы башкармалыгынын убактылуу кармоочу жайында кылмыш ишинин материалдары менен таанышууга көмөктөшүүнү суранды»,-деп айтылат маалыматта.
Ошондой эле, Молдокматов ачкачылык жарыялоонун себеби өзүнүн баш коргоо чарасын камакка алуу менен байланышпаган түрүнө өзгөртүү каалоосу эмес, кылмыш ишине тиешеси бар бардык адамдарга бирдей мамиле кылуу талабы деп түшүндүрдү.
Эске салсак, оппозициячыл саясатчы Жеңиш Молдокматов Ички иштер министрлиги тарабынан 6-майда кармалган. Молдокматовго өткөн жылдын октябрь окуяларында “УКМКнын имаратын басып алууга аракет кылган” деген айып тагылган. Кийин берене өзгөртүлүп, “октябрь окуяларында башаламандык уюштурган” деген кине коюлган. Биринчи май райондук соту Молдокматовду 6-сентябрга чейин камакта калтырган.
Молдокматов өзүнүн камалышын саясий куугунтук катары баалап келет.
Кемпир-Абад иши боюнча абакта жаткан саясатчы Жеңиш Молдокматов соттун ачык өтүшүн талап кылды. Бул тууралуу …
Кемпир-Абад иши боюнча абакта жаткан саясатчылар Равшан Жээнбеков, Кеңешбек Дүйшөбаев жана Жеңиш Молдокматов материалдар менен …
Саясатчы Жеңиш Молдокматовдун камактагы мөөнөтү 2 айга узартылды. Бишкек шаарынын Биринчи май райондук сотунун 15-февралдагы …
Кемпир-Абад ишине байланыштуу камалган саясатчы Жеңиш Молдокматов 3-февралда аудио жазуулардын соттук-лингвистикалык экспертизасынын жыйынтыгы менен таанышканын, …
Бишкек шаардык соту 27-декабрда Кемпир-Абад ишине байланыштуу кармалгандардын бөгөт чарасын кароону улантууда. Сот залына саясатчы …
Бүгүн, 13-декабрда Бишкек шаардык сотунда массалык башаламандык уюштурууга шек саналып кармалган жарандардын бөгөт чарасын кароо …
