Бишкекте «Ала ТВ» ЖЧКсынын негиздөөчүсү Артур Халдаров кармалды. Бул тууралуу Govori.TVга Биринчи Май райондук сотунун басма сөз катчысы Айзада Момунова билдирди.
«13-июндагы соттун токтомуна ылайык, Артур Халдаровго карата камакка алуу чарасы колдонулуп, ал 12-июлга чейин Жазаларды аткаруу мамлекеттик кызматынын №21 жайына киргизилди», — дейт мекеменин маалымат катчысы.
Кошумчалай кетсек, Халдаров Аскердик прокуратура тарабынан радиожыштыктарды мыйзамсыз саткан деген шек менен кармалып, ага «коррупция» беренеси боюнча айып тагылган.
