Аламүдүндө “Хизбут-Тахрир” диний экстремисттик уюмунун көз караштарын тараткан шектүү кармалды.
Чүй облустук милициясынын басма сөз кызматы билдиргендей,Экстремизмге жана мыйзамсыз миграцияга каршы аракеттенүү боюнча кызматы тарабынан Аламүдүн районунда Кыргызстандын аймагында тыюу салынган “Хизбут-Тахрир”, диний экстремисттик уюмунун көз караштарын тараткандыгы тууралуу ыкчам маалымат алышкан.
Жогорудагы маалымат Кырмыштардын жана жоруктардын бирдиктүү реестрине КР Жазык кодексинин 315-беренеси (Экстремисттик материалдарды даярдоо, таратуу) боюнча катталып, сотко чейинки өндүрүш иштери башталаган.
Милиция кызматкерлери тарабынан жүргүзүлгөн ар тараптуу ыкчам иш-чараларынын натыйжасында 2021-жылдын 5-февраль күнү Бишкек шаарындагы үйлөрдүн биринен Өзбекстандын 44 жаштагы Н.С. аттуу мурда соттолгон жараны кармалган. Анын колдонуп жүргөн телефону алынып, аны кароо учурунда социалдык түйүндөр аркылуу “Хизбут-Тахрир” диний экстремисттик уюумунун көз караштарын таратып жүргөнү аныкталып, шектүү жаран бул аракеттерин толук моюнуна алган. Учурда кармалган жаран үй камагына алынып, зарыл болгон экспертизалар дайындалган.
Сотко чейинки өндүрүш иштери улантылууда.