Алматыда сот каракалпакстандык активист Акылбек Муратбайды (Муратов) 40 суткага камакка алуу чечимин чыгарды. Бул тууралуу «Власть» басылмасы анын карындашы Фариза Нарбековага шилтеме кылып кабарлады.
Нарбекова сот отуруму адвокаттын катышуусусуз өткөнүн билдирди. Ал агасы убактылуу кармоочу жайдан тергөө абагына жекшемби күнү эле которулган болушу мүмкүн экенин кошумчалады.
Муратбай 15-февраль күнү кечинде кармалган. Башкы кеңсеси Вена шаарында жайгашкан Freedom for Eurasia укук коргоо уюму активист өзбек бийлигинин өтүнүчү менен кармалып, бул операцияга Өзбекстан Ички иштер министрлигинин кызматкери Мухамедин Баймурзаев да катышканын билдирген.
Өзбек бийлиги активистти «Коомдук тартип менен коопсуздукка коркунуч жараткан материалдарды даярдоо, сактоо жана жайылтуу», ошондой эле «Конституциялык түзүлүшкө кол салуу» беренелери боюнча айыптап жатат. Активист бул айыптоолорду четке кагууда.
Муратбай Өзбекстандын жараны. Ал он жылдан ашуун Казакстанда жашап, каракалпак активисттеринин укуктарын коргоп, расмий Ташкентти сындап келген. Активист бул өлкөдөгү каракалпак диаспорасынын башчыларынын бири катары да белгилүү.
Буга чейин Алматы шаардык полиция департаменти өлкөнүн Башкы прокуратурасы аны Өзбекстанга экстрадициялоо маселесин карап жатканын билдирген.
Өзбекстанда 2022-жылы Конституцияны өзгөртүү демилгеси көтөрүлүп, Каракалпакстан автоном республикасында нааразылык чыккан. 1-2-июлдагы борбор калаа Нукустагы митингдер күч менен басылганда кан төгүлгөн. Өзбек бийлиги 21 адам каза тапканын, 243 адам жараат алганын кабарлаган. 500дөн ашуун адам кармалган. Президент Шавкат Мирзиёев Каракалпакстанга барып, Баш мыйзамдагы бул республикага таандык мурдагы беренелер өзгөртүүсүз калтырыларын айткан. Каракалпакстан окуялары боюнча соттук териштирүү уланууда.
2022-жылдын күзүндө Human Rights Watch уюму Нукус окуясын чагылдырган, анда камалгандардын таламын талашкан көптөгөн активисттер мекениндеги куугунтуктан качып, Казакстанда жана Европада башпаанек сурашканын билдирген. Уюм Астананы Казакстанда кармалган каракалпак активисттерин Өзбекстанга өткөрүп бербөөгө үндөп, алар мекенинде куугунтукка жана кыйноого кабыларын эскерткен.
Мамлекеттик салык кызматынын беши инспектору системалуу коррупция боюнча кармалды. Бул тууралуу УКМКнын басма сөз кызматы. …
Бийликти күч менен басып алууга аракет кылган деп издөөдө жүргөн Ташов кармалды. Бул тууралуу УКМКнын …
Ошто опузалап акча талап кылган уюшкан кылмыштуу топтун мүчөлөрү кармалды. Бул тууралуу Ички иштер министрлигинен …
Улуттук коопсуздук мамлекеттик комитети уюшкан кылмыштуу топтун мүчөсү катары каттоодо турган чет элдик жаранды кармады. …
Ошто жөө өтмөктөн эки окуучуну сүзүп качкан айдоочу кармалды. Маалыматка ылайык, кырсык 10-апрелде шаардагы 8-март …
Сокулук районундагы мунапыстагы жер тилкелерин мыйзамсыз сатуу менен алектенген “Жер мафиясынын” мүчөсү кармалды. Бул тууралуу …
