6-июлда Алматыда каттоодон өтпөгөн «Демократиялык партиянын» митингге чыккан тарапташтары кармалды.
Түшкө жакын ондон ашык киши Алматыдагы Абайдын эстелигинин алдына чогулган. Алар колдоруна «Жаңы-Өзөн 2011, Январь 2022», «казак тили», «сот, полиция, прокуратура», «экономика», «илим», «билим берүү», «медицина», Заманбек Нукадилов», «Алтынбек Сарсенбайулы», «Арон Атабек», «Дулат Агадил», «Жанболат Мамайга боштондук!» деген жазууларды кармап чыгышкан.
Акция катышуучулары булардын баарын «Назарбаевдин кылмыштары» деп атап, Нурсултан Назарбаевди соттоону талап кылышты.
– Арон Атабекти түрмөдө 15 жыл кармагандан кийин өлтүрдү. Дулат Агадилди өлтүрдү. Жаңы-Өзөндө, январда ок атты. Казактарды өлтүрдү. Бирок бул кылмыштардын бирөөнө да жооп берген жок. Ал жооп бериши керек», – деди «Демократиялык партиянын» камактагы лидери Жанболат Мамайдын жубайы Инга Иманбай.
Акция башталгандан он мүнөт өткөндөн кийин акимчиликтин өкүлдөрү менен полиция кызматкерлери келип, чогулгандардан тарап кетүүнү талап кылышты. Бирок митинг катышуучулары баш тарткандан кийин аларды кармап, полиция бөлүмүнө алып кетишти.
Күн мурун «Демократиялык партия» 6-июлда «Нурсултандын кылмыштары» деп аталган митинг өтөрүн билдирген. Активисттер тынч акциянын катышуучулары Абайдын Алматыдагы эстелигинин алдына чогулуп, «Назарбаев камалсын!» деп кыйкыра тургандыктарын айтышкан. Алар мындай жол менен «диктатордун» туулган күнүн «белгилөөнү» пландашкан.
6-июлда Казакстанда Нур-Султан шаарынын күнү белгиленет. Бул майрам өлкөнү 30 жыл башкарган мурдагы президент Нурсултан Назарбаевдин туулган күнү менен дал келет.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Грузияда «чет элдик агент» мыйзам долбооруна каршы акция өтүп жатат. Бул тууралуу чет элдик басылмалар жазды. …
Ошто жөө өтмөктөн эки окуучуну сүзүп качкан айдоочу кармалды. Маалыматка ылайык, кырсык 10-апрелде шаардагы 8-март …
Сокулук районундагы мунапыстагы жер тилкелерин мыйзамсыз сатуу менен алектенген “Жер мафиясынын” мүчөсү кармалды. Бул тууралуу …
Бишкек шаардык милициясы 4-апрелде 34 жаштагы аялдын өлүмүнө шектүү кармалганын билдирди. Бул тууралуу ушул эле …
Жалал-Абад облусунун Ала-Бука районунда “безпредельщик” атыккан жаран кармалды. Бул тууралуу Улуттук коопсуздук мамлекеттик комитетинен билдиришти. …
