Бүгүн, 20-апрелде Бишкектин Биринчи Май райондук сотунда Кой-Таш иши каралып жаткан учурда экс-президент Алмазбек Атамбаев кайрадан соттук отурумдан чыгарылды.
Атамбаев сотко алынып келинген, бирок ал ден соолугу сотко катышууга мүмкүнчүлүк бербей жаткнын айтты.
«Азыр мени тез жардам менен алып келишет кайра алып кетишет. Таарынбагыла, мен сот процессине катыша албайм. Батукаевдин иши боюнча сот өкүмү чыккан. Менин катышуумсуз эле 11 жыл беришти», — деди Алмазбек Атамбаев.
Буга чейин Атамбаевди сотко мажбурлоо жолу менен алып келүү чечимин судья М.Термечиков чыгарган.
Өткөн жылдын 15-сентябрында 2016-жылы чет элдик жарандарга кыргыз паспортун мыйзамсыз берүүгө байланыштуу Атамбаевге карата «Коррупция» беренеси менен сотко чейинки өндүрүш башталып, кылмыш иши Биринчи май райондук сотуна өткөрүлүп берилген.
Кыргызстанды 2011-2017-жылдары башкарган Атамбаевге Кой-Таш, Октябрь окуялары жана мындан тышкары кылмыштуу жол менен алынган кирешени адалдаштыруу, Бишкектин Жылуулук электр борборун (ЖЭБ) модернизациялоо, бөлүнгөн акчадан уурдоо, паспортторду мыйзамсыз берүү деген айыптар тагылган.
Атамбаев өзү жана тарапташтары коюлган кинелерди саясий куугунтук деп баалап келет.
Бүгүн, 14-февралда Бишкектин Биринчи Май райондук сотунда Кемпир-Абад иши боюнча соттук жараянда айыпталуучулар соттун аракетине …
Бүгүн, 6-февралда Бишкектин Биринчи май райондук сотунда «Бүтүн Кыргызстан» фракциясынын лидери, депутат Адахан Мадумаровдун иши …
Бүгүн, 6-февралда Бишкектин Биринчи май райондук сотунда 24.kg маалымат агенттигинин тергөөчүнүн аракетине каршы арызы каралды. …
Акыркы күндөрү атайын провокацияга түрткөн жана жаштарды саясий кызыкчылыкка колдонуу максатында видео, посттор жарыяланып жатат. …
Жарандык активист, укук коргоочу Өндүрүш Токтонасыровдун Бишкектин Биринчи май райондук сотунда 18-декабрга белгилеген соту болбой …
Бүгүн, 11-майда Бишкектин Биринчи май райондук сотунда 2010-жылдагы июнь окуясы боюнча соттук отурум уланды. Төрагалык …
