Президент Садыр Жапаров кол койгон Жарлыкка ылайык, Кыргыз Республикасынын Конституциясынын 70-беренесинин 1-бөлүгүнүн 2-пунктуна, 6-бөлүгүнүн 4-пунктуна ылайык Бейшеналиев Алмазбек Бейшеналиевич мурда ээлеген кызматынан бошотулуп КР билим берүү жана илим министринин милдетин аткаруучу болуп дайындалды. Бул тууралуу президенттин басма сөз кызматынан кабарлашты.
Министрлер кабинетинин төрагасы – КР президентинин администрациясынын жетекчиси Акылбек Жапаров бүгүн, 14-февралда, мамлекет башчысынын Жарлыгын окуп, КР билим берүү жана илим министрлигинин борбордук аппаратына министрдин милдетин аткаруучу Алмазбек Бейшеналиевди тааныштырды.
Ведомствонун жаңы жетекчисин тааныштырып жатып, Акылбек Жапаров жаңы дайындалган башчы билим берүү жана илим тармагын жакшы билерин белгиледи.
Министрлер кабинетинин башчысы Алмазбек Бейшеналиевдин алдына билим берүүнүн сапатын жогорулатууга, атаандаштыкка жөндөмдүү муунду даярдоого, билим берүү системасынын бардык баскычтарында натыйжалуу реформаларды жүргүзүүгө багытталган бир катар тапшырмаларды койду.
Мындан тышкары, Акылбек Жапаров билим берүү тармагындагы маанилүү реформаларды ишке ашыруу үчүн мезгилдин талаптарын эске алуу менен маалыматтык-коммуникациялык технологияларды активдүү киргизүү, учурдагы билим берүү программаларын кайра карап чыгуу жана сапаттуу билим алуу үчүн бардык шарттарды түзүү керектигин баса белгиледи.
Акылбек Жапаров Алмазбек Бейшеналиевдин өзүнө жүктөлгөн жаңы милдеттерди ишке ашыруу үчүн билими жана тажрыйбасы жетиштүү экенин белгиледи.
Ички иштер министрлигинин Тергөө кызматы тарабынан Билим берүү жана илим министри Алмазбек Бейшеналиевге карата 110 …
Президент Садыр Жапаров кол койгон Жарлыкка ылайык, Мамбетакунов Уланбек Эсенбекович Кыргыз Республикасынын билим берүү жана …
Билим берүү жана илим министрине карата ири өлчөмдөгү пара алуу боюнча козголгон кылмыш ишинин алкагында …
Бүгүн, 30-сентябрда Бишкектин Биринчи Май райондук сотунда пара алууга шектелип кармалган Билим берүү жана илим …
Бүгүн, 30-сентябрда Бишкектин Биринчи Май райондук сотунда пара алууга шектелип кармалган Билим берүү жана илим …
Кыйноолорго каршы улуттук борбордун кызматкерлери 29-сентябрда Бишкектин Ички иштер башкармалыгынын убактылуу кармоочу жайында отургандар, анын …
