Араван айылында чыккан жаңжалдан кийин 6 киши кармалды. Бул тууралуу Ош облустук ички иштер башкармалыгынан билдиришкенин 24.kg агенттиги жазды.
Маалыматка ылайык, кармалган 4 шектүүнүн баш коргоо чарасы каралып, 2 айга камакка алуу чечими кабыл алынган. Калган эки жаран ооруканада дарыланып жаткандыктан, сакайып чыкканча көзөмөлдө болушат.
Эске салсак, 20-сентябрда Араван районунун Юсупова айыл өкмөтүнө караштуу Араван айылында «Мекеним Кыргызстан» партиясы үгүт жүргүзүп жатканда чоң чатак чыгып, 12 киши ар кандай жаракат алган. Араван райондук милициясы окуяны териштирүүдө.