Арстан Алай деген ат менен белгилүү Арстанбек Абдылдаев эки күндөн бери дайынсыз болуп жатат. Маалыматты Бишкектин Свердлов райондук милициясынын басма сөз кызматы тастыктады.
Маалыматка ылайык, 14-декабрда анын жоголгону тууралуу маалымат милициянын каттоосуна алынып, издөө иштери башталган.
Буга чейин социалдык тармактарда Абдылдаевдин сүрөтү илинип, анын изделип жатканы тууралуу маалымат тараган. Ал 13-декабрда эртең менен саат 8:30да үйүнөн чыгып кеткенден бери белгисиз экени жазылган.