Ырчы Асел Кадырбекова менен сүзүшкөн айдоочуга кылмыш иши козголуп, бир айга камакка алынмай болду. Бирок учурда ал ооруканада экендигин Бишкек ШИИБдин маалымат кызматынан кабарлашты.
Мындай чечим Бишкектин Свердлов райондук соту тарабынан кабыл алынган.
26-июнда Тыныстанов менен Медеров көчөлөрүнүн кесилишинде 25 жаштагы О.М. башкарган «Хонда Одиссей» унаасы ырчы Асел Кадырбекованын «Тойота Камри» унаасы менен кагышкан. Жол кырсыктын кесепетинен Кадырбекова жана «Хонданын» айдоочусу жаракат алып, Бишкек шаардык травматология жана ортопедиялык илимий-изилдөө борборуна жеткирилген. Ал эми ыкчам реакция жасоо тобунун унаасындагы 1994-жылы төрөлгөн К.О. Улуттук госпиталга жаткырылган.
«Бул факт Жазык кодексиндеги 297-берене (автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу) боюнча Кылмыштар жана жоруктардын бирдиктүү реестрине катталды. Сотко чейинки өндүрүш ишинин алкагында шектүүнүн палатасынын жанына конвой коюлду. Жол кырсык боюнча тиешелүү экспертизалар дайындалды», — деп айтылат маалыматта.
Ошто 10 жана 7 жаштагы эки өспүрүмдү бир убакта эки унаа сүзүп, бактыга жараша балдар …
Бишкекте Lexus RX350 үлгүсүндөгү унаа ала салып кетти. Бул тууралуу «Кабар» жазды. Маалыматка ылайык, 13-июнга …
Чүй ОИИББ боюнча ЖКККБнын басма сөз кызматы окуучу катышкан жол кырсыгы боюнча маалымат таратты. Билдирүүгө …
Орусиянын Шадринск шаарында Кыргызстандын жарандарынын катышуусунда жол кырсыгы катталды. Бул тууралуу Тышкы иштер министрлигин басма …
Токтогул районундагы К.Чокоев атындагы жалпы билим берүүчү орто мектебинин мугалимдери жол кырсыгына учураган. Бул тууралуу …
Чүйдө 16 жаштагы кыз Хонда-СРВ унаасы менен кырсыкка кабылып, унаадагы 1 адам каза болду. Маалыматты …
