Жогорку Кеңештеги «Ата Мекен» фракциясы бүгүн, 23-декабрда жыйын өткөрүп жатат. Анын алкагында вице-спикер кызматына талапкер көрсөтүү маселеси каралды.
Фракция 2 талапкерди — Сайдулла Нышанов менен Нурбек Сыдыгалиевди ылайыктап, бир талапкерге токтолуу үчүн ич ара талкуу жүргүзүп жатышат.
Белгилей кетсек, бүгүн Жогорку Кеңештин төрагасынын орун басары Мирлан Бакиров өз каалоосу менен кызматын расмий тапшырды. Бакиров («Өнүгүү-Прогресс») отставкага кеткенден кийин бул кызматка анын фракциясы Улан Исмаиловду талапкер кылып көрсөткөн болчу.