Жогорку Кеңештин төрагасынын орун басары Нурбек Сыдыгалиев кесиптештерине нааразы болуп, «иштей албасак мандатты тапшырып, тарап кетели» деген сунушун айтты.
Сыдыгалиевдин мындай нааразы пикирине депутатар Адахан Мадумаров менен Исхак Масалиевдин мыйзам долбооруна добуш бербей койгону себеп болгон.
«Тигил жакта эки депутат добуш бербей койсо эле биз мыйзам долбоорун алып кое беребизби? Урматтуу депутаттар силерден бир суранычым бар, бири-бирибизди сыйлабайлыбы. Эгер каршы берсеңер «каршы» бергиле же «макул» деп добуш бергиле. Эгер иштей албасак ушул жерден тарап кетеличи. Биз иштей албай калдык окшойт. Тизме чогулталы, мына мен биринчи кол коюп берем мандатымды тапшырганга. Мына «Бүтүн Кыргызстан» олтурат саботаж кылып, бул эмне дегендик? Сыйлайлы да бири-бирибизди, эгер болбосо компьютерлерин өчүрүп салалы булардыкын. Ошону баарыбыз чечели, добушка коелу компьютерлерин өчүрсө өчүрүп салалы. Мыйзам чегинде иштейли да… Демек булар бизди сыйлабайт, ошондуктан ушуга барып жатышат», — деди депутат.
Бүгүн Жогорку Кеңештин жыйынында депутаттар жеке адамдардын мүлкүнө мунапыс берүү боюнча мыйзам долбоорун карап жатышат.
Ал эми мыйзам долбооруна депутаттар Исхак Масалиев менен Адахан Мадумаров добуш беришкен жок. Исхак Масалиевдин айтымында, мыйзам долбоору талкууланып жатканда коррупционерлер мүлкүн мыйзамдаштыра албай турганын айтышкан.
«Бирок биз мыйзам долбоорун карап чыкканда, аны ар ким мыйзамдаштыра алат экени белгилүү болу. Киши өлтүргүчтөр, коррупционерлер шалаакылык жана кыянаттык менен айыпталгандар. Биз буга жол бербешибиз керек. Ошондуктан мен добуш бербейм. Шашпайлы, мыйзам долбоорун кийин карайлы. Коррупция деген сөздү кошпосо, мыйзам долбоору өтпөйт”, — деди Исхак Масалиев.
Президент Садыр Жапаров “Кыргыз Республикасынын мамлекеттик сыйлыктары менен сыйлоо жөнүндө” жарлыкка кол койду. Анда өлкөнүн …
Бүгүн, 8-июнда Жогорку Кеңештин төрагасынын орун басары Нурбек Сыдыгалиев президенттин кеңешчиси Чолпонбек Абыкеевди «төңкөрүш болсо …
Атыр Абдрахматова была избрана на должность Акыйкатчы 2 марта 2022 года. За 20 лет существования …
Жогорку Кеңештин жыйынында депутаттар Министрлер кабинетинин төрагасы нааразы болушту. Депутат Надира Нурматова Акылбек Жапаров жыйынга …
Бүгүн, 28-ноябрь кечки саат 20:00дө Жогорку Кеңештин депутаттарын шайлоо аяктап, эртең менен саат 08:00дө ачылган …
Айрым мурдагы транспорт министрлери азыр да министрликтин ишине кийлигишип жатат. Бул тууралуу Жогорку Кеңештин вице-спикери …
