Социал-демократтар партиясынын мүчөсү Эрмек Эрматов дээрлик бир күндөн бери дайынсыз болуп жатканы айтылды. Бул тууралуу алгач аталган партиянын мүчөсү Кадырбек Атамбаев Фейсбук баракчасына жазып чыкты.
К. Атамбаев 22-январдан тартып таң атканча бир нече жолу шаардык милицияга барышканын, бирок анын кайда экени тууралуу маалымат берилбей жатканын жазган. Ошондой эле адвокат менен бирге издеп жатышканын кошумчалаган.
Ал эми Эрматовдун аялы Чолпонай Эрматова жолдошу менен акыркы жолу 22-январда саат 14:00дөрдө телефондон сүйлөшкөн бойдон кабар ала албай жатканын «Азаттыкка» ырастап, ал жолдошунун уруп-сабалганы тартылган видеону жөнөтүшкөнүн айтып берген.
«Жолдошум менен кечээ түштөн кийин 2-3төрдө сүйлөшкөм. Жумуштар чыккандыктан келе аласыңбы деп чалганымда ал иште эмес экенин, анан байланыша турганын айткан. Ошол бойдон байланыша алган жокмун, кечирээк телефону өчүк болуп калды. Кечинде адвокат менен чогуу издешкенде аны ооруканадан көрүшкөн экен. Ошол видеосун мага жөнөтүштү. Ошого байланыштуу мен милицияга арыз жазганы жатам. Видеодо бети тытылып, уруп-сабалганы көрүнүп турат. Кабыргасынан катуу жараат алган окшойт. Азыр кайда экенин билбей жатабыз, бизге айтпай жатышат. Кайсы орган алып кеткенин дагы билбей жатабыз», — деди Эрматова.
Милиция азырынча Эрмек Эрматовго байланыштуу комментарий бере элек, шаардык милиция маалымат такталып жатканын кошумчалаган.
Мурдагы президент Алмазбек Атамбаевдин кичүү уулу, Социал-демократтар партиясынын мүчөсү Кадырбек Атамбаев тергөө абагындагы «Ички тартип …
Маданият, маалымат, спорт жана жаштар саясаты министринин орун басары Марат Тагаев социалдык тармактагы баракчасына экс-президент …
Мурдагы президент Алмаз Атамбаевдин уулу Кадырбек Атамбаев соцтармак баракчасына билдирүү жазып, сот аткаруучулар өзүн, апасын …
Бишкек шаардык ички иштер башкы башкармалыгы «Социал-демократтар» саясий партиясынын мүчөсү Кадырбек Атамбаевдин Кыргызстандан чыгуусуна тыюу …
Социал-демократтар партиясынын мүчөсү жана лидерлеринин бири Кадыр Атамбаев Стамбулга уча албай, «Манас» аэропортунун милиция бөлмөсүнө …
Ички иштер министрлиги (ИИМ) “Социал-демократтар” партиясынын лидери Темирлан Султанбековдун жана партиянын мүчөлөрү Ирина Карамушкина менен …
