Коомдук биринчи канал мурдагы президент Алмазбек Атамбаевдин байлыгы тууралуу иликтөөсүн жарыялады. Жарым сааттык берүүдө Атамбаев байлыгын шектүү жолдор менен топтогону баяндалат. Анда журналист мурдагы президент мыйзамсыз тапкан каражатын, мүлктөрүн башка адамдарга каттатып адалдаган болушу ыктымал дейт. Алардын бири катары 28 жаштагы Субихи Пархати аттуу жаранды пайдаланганы айтылат. Пархати болсо Атамбаев аны пайдаланып кеткенин айтып берген:
«Мен өзүм жөнүндө интернеттен окуп билдим. Анан шашылыш бул жака келдим. Мындай иштер болгон эмес. Бизде мындай компания алуу мүмкүнчүлүгүбүз жок. Алмазбек Атамбаев мени жана атамды уят кылды. Биз муну билген эмеспиз».
Пархати кайсы бир документтерге атасынын суранычы менен кол койгонун, бирок эмне иш экенин билбей турганын айтат. Иликтөөдө Субихи Пархатиге жазылган мүлктөргө Атамбаев эле ээлик кылган деп түкшүмөлдөйт. Азырынча Атамбаевди колдогон КСДП партиясы иликтөө боюнча комментарий бере элек.
Буга чейин массалык маалымат каражаттарында Субихи Пархати 2017-жылдын 27-октябрында мурдагы президент Алмазбек Атамбаевге тиешелүү илимий-өндүрүштүк «Форум» ЖЧКсына теңшерик негиздөөчү болгону кабарланган. Бирок 2018-жылдын 18-апрелинде «Форум» кайра каттоодон өтүп, жападан жалгыз Субихи Пархатиге тиешелүү болуп калган. Атамбаевди кол тийбестиктен ажыратууну караган депутаттык комиссия Пархати «Форумду» Атамбаевден 54 млн. сомго сатып алганын тактаганын билдирген.
Субихи Пархатинин аты сурма казган «Хуасинь» компаниясы боюнча да ачылган кылмыш ишинде аталган. Башкы прокуратуранын август айында берген маалыматы боюнча, 2015-жылы «Хуасинь» компаниясына лицензия берүүдө коррупциялык иштер орун алган. Бул инвестициялык компанияга кыргызстандык Субихи Пархати жана кытайлык жаран Чжай Хунвей ээлик кылат.
Башкы прокурор Өткүрбек Жамшитов 27-июнда Субихи Пархати 28 жашта экенин, Кара-Балта шаарында туулуп, Үрүмчүдө таятасынын колунда чоңойгонун, улуту казак, жарандыгы кыргызстандык экенин билдирген.
Булак: «Азаттык«
Акыркы күндөрү атайын провокацияга түрткөн жана жаштарды саясий кызыкчылыкка колдонуу максатында видео, посттор жарыяланып жатат. …
Кыргызстандагы «МедиаХаб» иликтөө тобунун жетекчиси, журналист Али Токтакунов АКШнын Мамлекеттик департаментинин “Коррупцияга каршы күрөштүн күжүрмөнү” …
2010-жылы болгон революциядан кийин судьялар Максим Бакиевдин Ысык-Көлдөгү мүлкүн менчикке мыйзамсыз чыгарып берип акысына коттедж, …
Кыргызстандын мурунку президенти Алмазбек Атамбаев Апрель революциясынын 13 жылдыгына карата фейсбук баракчасына билдирүү жарыялады. Ал …
Президент Садыр Жапаров «Кабар» агенттигине кезектеги кыскача маегин куруп, мурдагы журт башчылары менен болгон жолугушуусу …
Президенттин администрациясынын маалыматтык саясат кызматынын жетекчиси Дайырбек Орунбеков Садыр Жапаров менен Кыргызстандын мурдагы президенттеринин жолугушуусу …
