Бишкек.09.05.2019.Govori.TV.
Президент Сооронбай Жээнбеков бүгүн, 9-майда Бишкек шаарында өткөн Улуу Ата Мекендик согуштагы Жеңиштин 74 жылдыгына арналган митинг-реквиемге катышты.
Жеңиш аянтында өткөн митинг-реквиемде Жээнбеков, өлкөнүн премьер-министри Мухаммедкалый Абылгазиев, Жогорку Кеңештин төрагасы Дастанбек Жумабеков, Жогорку соттун төрайымы Гульбара Калиева, экс-президент Роза Отунбаева, Башкы штабдын зардалы Райимберди Дуйшенбиев Түбөлүк отко гүлчамбар коюшуп, бир минута унчукпай Улуу Ата-Мекендик согушта курман болгондорду эскеришти.
Иш-чаранын соңунда Президент Сооронбай Жээнбеков аянтта ардагерлер менен чогуу басып, түбөлүк отко гүл коюшту. Жана ошондой эле ардагерлерге аскердик ботко берилди.
