Азербайжан армиясы Тоолуу Карабак менен Арменияны бөлүп турган Лачын районуна кирип барды. Бул тууралуу Азербайжандын Коргоо министрлиги билдирди.
Лачын — Тоолуу Карабакта ок атышууну токтотуу боюнча кабыл алынган үч тараптуу келишимдин негизинде Бакунун көзөмөлүнө өтүп жаткан үч райондун акыркысы.
Министрлик YouTube баракчасында жарыялаган видеодо аскерлердин аймакка кирип баратканын көрүүгө болот.
1992–1994-жылдардагы согуштун айынан бул районду Азербайжан убактылуу колдон чыгарган болчу. Лачын району Армениянын эл аралык деңгээлде таанылган чек арасы менен армян жикчилери өз көзөмөлүнө алган Тоолуу Карабак жикчил аймагынын ортосунда жайгашкан стратегиялык маанилүү жер болуп саналат.
Армения Тоолуу Карабактын жикчил бөлүгүн курчап турган азербайжандык үч районду – Агдам, Келбажар жана Лачын райондорун кайрадан Азербайжандын карамагына өткөрүп берүүгө мажбур болду. Сентябрдын 27синде башталган согуш аракеттери 9-ноябрдагы Орусиянын арачылыгы менен жетишилген макулдашууга ылайык токтотулуп, Агдам району 20-ноябрда, Келбажар району – андан беш күндөн кийин, 25-ноябрда Азербайжанга өткөрүлгөн.
Азыркы тапта Орусиянын дээрлик 2 миң жоокерден турган аскерлери Тоолуу Карабакта тынчтык орнотуу кызматын аткарууда. Орус аскерлери Арменияны Тоолуу Карабактын жикчил бөлүгү менен байланыштырып турган Лачын өткөөлүн да кайтарып тураары макулдашууда алдын ала белгиленген.
Президент Садыр Жапаров бүгүн, 24-апрелде, мамлекеттик сапар менен Азербайжанга жөнөп кетти. 24-25-апрелде боло турган сапардын …
Президент Садыр Жапаров 24-25-апрелде мамлекеттик сапар менен Азербайжан Республикасына барат. Бул тууралуу президенттин администрациянын тышкы …
Президент Садыр Жапаров Азербайжанга мамлекеттик визит менен барат. Бул тууралуу Кыргызстандын тышкы иштер министри Жээнбек …
Бакунун Хатай райондук соту көз карандысыз ToplumTV басылмасынын негиздөөчүсү Алескер Мамедлини жана «III Республика платформа» …
Кыргыз Республикасынын Жогорку Кеңешинин депутаты Искендер Матраимов Азербайжан Республикасынын Президентин мөөнөтүнөн мурда шайлоодо КМШнын Парламенттер …
7-февралда Азербайжанда мөөнөтүнөн мурда президенттик шайлоо өтүүдө. Оппозиция ага катышуудан баш тарткан, жеңишке өлкөнүн азыркы …
