Шаршембиде Азербайжанда көз карандысыз Toplum TV телеканалы менен кызматташкан тогуз журналист жана кеминде үч саясий активист кармалды. Анын алдында Toplum редакциясында жана кармалгандардын үйүндө тинтүү жүргөн.
Тинтүү жана камакка алуулар тууралуу алардын жакындары Би-Би-Си жана «Азаттык» радиосунун азери кызматына кабарлашты. Азербайжандын Ички иштер министрлиги комментарий бере элек.
Бакудагы Toplum TV редакциясында тинтүү эртең менен башталган. Журналисттердин жакындары аларды полиция алып кеткенин, алар менен байланыша албай жатканын айтышты. “Топлумдун” башкы редактору Хадижа Исмаил куугунтуктун себебин билбей турганын жана “Топлумга” каршы иш козгоо үчүн эч кандай негиз жок экенин айтты.
“Биз эч кандай кылмышка аралашкан жокпуз жана эч кандай мыйзамсыз иш-аракеттерди жасаган жокпуз. Бул өлкөдөгү репрессия толкунунун кезектеги кадамы”, — деп билдирген ал.
«Азаттык» радиосунун азербайжан кызматы тинтүүдөн кийин “Топлумдун” кызматкери Фарид Исмаилилов кармалганын кабарлады. Жакындарынын айтымында, тинтүү учурунда үч миң евродон ашык акча алынган жана Исмаилилов бул акча ага тиешелүү эмес экенин билдирген. Жарандык активист Акиф Гурбановдун батиринде дагы тинтүү жүрүп, ал дагы кармалган.
Toplum TV көз карандысыз интернет телекөрсөтүү болуп саналат. Ал Азербайжандагы адам укуктарынын бузулушу жана коррупция боюнча иликтөөлөрдү жарыялап турат.
Адам өлтүрүүгө шектүү катары издөөдө жүргөн жаран Ош аэропортунан кармалды. Бул тууралуу Ош шаардык ички …
Мамлекеттик салык кызматынын беши инспектору системалуу коррупция боюнча кармалды. Бул тууралуу УКМКнын басма сөз кызматы. …
Бийликти күч менен басып алууга аракет кылган деп издөөдө жүргөн Ташов кармалды. Бул тууралуу УКМКнын …
Ошто опузалап акча талап кылган уюшкан кылмыштуу топтун мүчөлөрү кармалды. Бул тууралуу Ички иштер министрлигинен …
Улуттук коопсуздук мамлекеттик комитети уюшкан кылмыштуу топтун мүчөсү катары каттоодо турган чет элдик жаранды кармады. …
Ошто жөө өтмөктөн эки окуучуну сүзүп качкан айдоочу кармалды. Маалыматка ылайык, кырсык 10-апрелде шаардагы 8-март …
