Кечээ, 18-сентябрда Бишкек шаарындагы Дөлөн Өмүрзаков атындагы стадионунда футбол боюнча өспүрүмдөр арасында (16 жашка чейин) 2020-жылы өтө турган Азия биринчилигине тандоо туру башталды. Бул тууралуу Футбол федерациясынын маалымат кызматы билдирди.
Тандоо турунда F тайпасына кирген командалар оюн көрсөттү. Анда Кыргызстандын командасы Ливандын курамасы менен оюн өткөрдү. Кыргызстандын атынан Бекназ Алмазбеков жана Аалам Абылкасымов (2 гол) каршылашынын дарбазасына гол киргизди. Эсеп 3:2, Кыргызстандын командасы жеңишке жетти.
Ошондой эле, Бириккен Араб Эмираттарынын курамасы Ирактын командасын 1:0 эсебинде утуп алды.
Белгилей кетсек, кийинки оюн 20-сентябрда болуп, анда Ливандын командасы менен Ирак, Кыргызстандын командасы БАЭ менен беттешет.
