Укук коргоочу Азиза Абдирасулова Кыргызстанга кайтып келди. Бул тууралуу анын кызы Гүлшайыр Абдирасулова билдирди.
«Менин ата-энем өлкөдө! Бул маселе саясатташып же тескери бурула электе, мен бул тууралуу жазууну чечтим, анткени алардын кайтып келишин мен демилгелегенмин. Алдыда бизди дагы бир сыноо күтүп турат — атам үчүн өтө оор операция», – деп жазат Гүлшайыр Абдирасулова.
Эске салсак, Кылым шамы» уюмунун негиздөөчүсү Азиза Абдирасулова жаңы жыл алдында Кыргызстандан чет жакка чыгып кетүүгө аргасыз болгонун билдирген.