Бишкекте азык-түлүк дүкөнү толук күйүп кетти. Бул тууралуу Өзгөчө кырдаалдар министрлигинен билдиришти.
Маалыматка ылайык, 26-майга караган түнү Арча-Бешик конушунун Шералиев көчөсүндө жайгашкан дүкөндөн өрт чыккан.
Өрттү өчүрүүгө саат 02:56ден тарта жалпы 3 күжүрмөн эсеп тартылып, тилсиз жоо саат 04:07де чектөөгө алынып, саат таңкы 5:06да толук өчүрүлгөн.
Кырсыктын кесепетинен жыгач устундуу калай менен жабылган дүкөн толугу менен күйгөн.
Такталган маалымат боюнча, өрттөн жабыркагандар жок.
Учурда өрттүн келип чыгуу себеби такталууда.
