Бүгүн Бишкекте Чүй проспектисинин айрым бөлүгү убактылуу жабылат. Бул тууралуу мэриядан билдиришти.
Маалыматка ылайык, бүгүн саат 19:00дө «Ала-Тоо» аянтындагы жаңы жылдык балатынын чырактарын жандыруу иш-чарасы өтөт. Буга байланыштуу саат 17ден баштап Чүй кең көчөсүнүн Эркиндик бульварынан Панфилов көчөсүнө чейинки бөлүгү иш-чара аяктаганга чейин жабылат.
Эске салсак, шаардын ичи майрамдык инсталляциялар, гирляндалар менен кооздолду.
