Саясатчы Өмүрбек Бабанов сурак берип чыкты. УКМКнын кызматкерлери аны бүгүн, 9-январга саат 10:00гө чакырышкан.
Бабанов сурак берип чыккандан кийин журналисттерге тергөөнүн сырдуулугуна байланыштуу кайсы кылмыш иши боюнча чакырылганын айтуудан баш тартты.
Белгилей кетсек, Өмүрбек Бабанов суракка чакырылганы 7-январда белгилүү болгон. УКМКнын басма сөз кызматы дагы анын кайсы иш боюнча сурак берери тергөөнүн кызыкчылыгы үчүн айтылбай турганын белгиледи.