Министрлер кабинетинин төрагасынын орун басары Эдил Байсалов «Бүтүн Кыргызстан» фракциясынын лидери Адахан Мадумаровдун өкмөттү отставкага кетирүү сунушуна жооп кайтарды.
Ал социалдык тармактагы баракчасына төмөндөгүлөрдү жазган.
«Адахан Мадумаровдун милдети — кандай болбосун элдин биримдигине бүлүк салуу, кырдаалды туруксуздаштыруу. Биздин эл анын жасалмалуулугун жана деструктивдүүлүгүн айдан ачык көрүп турат», — деди ал.
Задача Адахана Мадумарова любой ценой подорвать народное единство, дестабилизировать ситуацию, сорвать наметившийся национальный подъем во всех сферах жизни. Его планам не сбыться ! Наш народ насквозь видит его фальш и деструктивность. Настоящей заботы о нацинтересах у него ноль! https://t.co/dcsVAYwXzF
— Edil Baisalov (@baisalov) April 27, 2023
Эске салсак, 27-апрелде «Бүтүн Кыргызстан» фракциясы Министрлер кабинетин толук курам менен отставкага кетирүүнү сунуштаган. Буга пенсия өлчөмүнүн жашоо минимумунан төмөн болгону себеп болгон.
Мадумаров Министрлер кабинети Конституцияда жазылган «пенсия, жөлөкпул жана башка социалдык жардам жашоо минимумунан төмөн эмес өлчөмдө болушу керек» деген талапты аткарбай жатканын сындаган.