Бишкек.28.08.2019.Govori.TV.
Биринчи май райондук ички иштер бөлүмү бейбаштык боюнча шектүү деп табылган кызга издөө жарыялады. Бул тууралуу милиция кабарлады.
Маалыматка ылайык, 9-августта «Оптима Банктын» өкүлдөрү имаратынын терезесин талкалап кеткен белгисиз кызга чара көрүп берүүнү өтүнүп милицияга арыз жазышкан. 9-август түнү саат 12лер чамасында 20-25 жаштагы кыз Панфилов-Киев көчөлөрүнүн кесилишинде жайгашкан «Оптима Банктын» эшигинин айнегин талкалап кеткен. Бул факт Кылмыштар менен жоруктардын бирдиктүү реестрине катталып, Жазык кодексинин 266-беренеси («Бейбаштык») менен сотко чейинки өндүрүшкө алынган.
Учурда милиция 20-25 жаштагы белгисиз кызга издөө салып, коомчулуктан жардам сурады. Ички иштер органдары ал жөнүндө билгендерди 102 номуруна чалып коюуну өтүнөт.
