Баткен районунда 16 жаштагы кыз бычак жеп каза болду. Маалыматты Баткен ОИИБдин басма сөз кызматы тастыктады.
Маалыматка караганда, А.К. аттуу кыз эки жерине бычак сайылган абалда 15-апрелде, саат 21:05 чамасында Баткен облустук борбордук ооруканасына түшкөн. Ооруканада эсине келбей каза болгон.
Факты боюнча тергөөгө чейинки териштирүү иши жүрүп жатат.
Кыздын өлүмүнүн себебин аныктоо үчүн соттук-медициналык экспертиза дайындалган.