Бишкекте уу-коргошунга уулангандарга Саламаттык сактоо министри Алымкадыр БейшеналиевБишкек шаардык травматология жана ортопедия илим изилдөө борборунун токсикология бөлүмүндө жаткандар уу-коргошунду өз алдынча жасап ичишкенин билдирди.
“Жабыркагандар биздин уу-коргошунду алышкан эмес. Алгач ууланган адамдардан эмнеден ууланганын билүү керек. Булар рак илдетине чалдыккандар, алар өзүлөрү көптөн бери колдонуп келишкен. Ашказан рагы үчүн аконитти илгертен бери колдонулуп жүрүшкөн. Аларга элдик дарылоону жазып берген адам дозасын эсептебесе керек”, — деген Бейшеналиев.
Белгилей кетсек, Бишкекте 63 жаштагы киши уу-коргошундан ууланып тез жардам аркылуу ооруканага жеткирилген. Ошондой эле уу-коргошун менен өз алдынча дарыланган 2 киши ооруканага түшкөнү кабарланган.
Ал эми Саламаттык сактоо жана социалдык өнүктүрүү министрлигинин басма сөз кызматы уу коргошунга уулангандардын абалы туруктуу экенин билдирди.
Эскерте кетсек, кечээ, 20-апрелде Бишкек травматология жана ортомедия илим-изилдөө борборунун токсикология бөлүмүнө уу коргошунга ууланган деген шек менен үй-бүлөлүү жуптар 1950-жылы туулган О.К. жана 1955-жылы туулган С.Т. оор абалда келген. Бейтаптардын айтымында, дары катары тундурманы узак убакыттан бери колдонуп келишкен жана кечээ анын дозасын көбөйтүшкөн. Тиешелүү дарылоодон кийин алардын жүрөк-кан тамырларынын иштеши калыбына келип, абалы турукташкан, азыр интенсивдүү терапия уланууда.
Ошондой эле 20-апрель күнү “Таз жардам” кызматы менен Кардиология жана терапия улуттук борборуна 1958-жылы туулган А.Д. оор абалда жеткирилген. Ага алдын ала “Белгисиз затка ууланган” деген диагноз коюлган. Бейтапты дарылоодон кийин жүрөктүн согушу жана дем алуу калыбына келген. Азыркы учурда абалы туруктуу, интенсивдүү терапия уланууда.
15-апрелде президент Садыр Жапаров дарыгерлер коронавирустан «бир же эки күндө айыктырып жибере турган дары» таап алышканын «Фейсбукка» жарыялаган. Аны менен кошо бир нече киши атайын аппараттын жардамы менен бөтөлкөлөргө кайнатманы куюп жатканы тартылган видео жарыяланган. Видеодогу бөтөлкөлөрдө «уу коргошун» деп жазылган эле.
16-апрелде саламаттык сактоо жана социалдык өнүгүү министри Алымкадыр Бейшеналиев уу коргошундун тундурмасы коронавируска чалдыккан бейтаптарга берилип жатканын Бишкектеги басма сөз жыйынында билдирген
Бүгүн, 3-апрелдеги Жогорку Кеңештин жалпы жыйнында депутаты Жусупбек Коргонбай уулу Саламаттык сактоо министри Алымкадыр Бейшеналиев …
Бүгүн, 1-апрелде Жогорку Кеңештин Социалдык саясат боюнча комитетинин жыйынында депутат Камила Талиева Саламаттык сактоо министри …
Бишкек шаарында жана Чүй облусунда орун алган катуу шамалдын кесепетинен жабыркагандардын саны 24 адамды түздү. …
Саламаттык сактоо министри Алымкадыр Бейшеналиев Жогорку Кеңештин депутаты Жусупбек Коргонбай уулуна каршы сотко арызданды. Бул …
Бишкекте далилдерди бурмалап, адамдарды мыйзамсыз кылмыш жоопкерчилигине тарткан милиционерлерге кылмыш иштери козголду. Бул тууралуу Башкы …
Саламаттык сактоо министри Алымкадыр Бейшеналиев Улуттук хирургия борборуна барды. Министрликтен билдиришкендей, Бейшеналиев сапарынын алкагында академик …
