Бишкек.19.08.2019.Govori.TV.
Биринчи май райондук соту мурдагы президент Алмазбек Атамбаевди 7-8-августтагы кармоо маалындагы мыйзам бузуу боюнча жактоочусунун арызын карайт. Бул тууралуу КСДПнын расмий өкүлү Кундуз Жолдубаева фейсбуктагы өздүк баракчасы аркылуу билдирди.
Маалыматка ылайык, 16-августка белгиленген соттук отурум прокурор материал менен таанышып чыгууну өтүнгөндүктөн жана тергөөчү келбей калгандыктан бүгүнкүгө жылган.
Эске салсак, мурдагы президент Алмазбек Атамбаев 8-августта ИИМдин атайын операциясынан соң кармалып, УКМКнын тергөө абагына камакка алынып, ага бир катар оор кылмыштар боюнча айыптар тагылган.