Бишкекте 10-11-октябрдын түнү тынч өттү. Бишкек комендатурасынын маалыматына караганда, мүлккө зыян келтирүү, талап-тоноо боюнча фактылар болгон жок.
Учурда комендатурада «сall-борбор» иштеп жатат. Ал аркылуу жарандардын кайрылуу-даттануулары кабыл алынат.
Президент Сооронбай Жээнбеков акыркы кырдаалга байланыштуу 10-октябрдан 21-октябрга чейин өзгөчө абал киргизүү боюнча жарлыкка кол койгон. Анын негизинде комендатура түзүлгөн. Аны ички иштер министринин орун басары Алмазбек Орозалиев жетектей баштаган.
Коменданттык саат 21:00дөн 05:00гө чейин болот. Бишкектин ичинде жана четинде 15 блокпост орнотулган.
Коменданттык саат учурунда аэропортко бара жаткан же ал жактан келе жаткан жүргүнчүлөр билет жана паспорттору менен посттон өткөрүлөт.
