Каракол шаарында айыл чарба багытындагы жерге мыйзамсыз курулган объект буздурулду. Бул тууралуу Башкы прокуратуранын басма сөз кызматы билдирет.
Маалыматта айтылгандай, Башкы прокуратура тарабынан Кыргыз Республикасынын Президентинин «Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо боюнча чаралар жөнүндө» Жарлыгынын аткарылышына көзөмөл жүргүзүү улантылууда.
Көзөмөл иш-чараларынын жүрүшүндө, Каракол шаарында айыл чарба багытындагы 450 чарчы метр жер тилкесине укук ырастоочу жана тиешелүү уруксат берүүчү иш-кагаздарсыз, ошондой эле жердин максаттуу багытын бузуу менен турак үй куруу иштери жүргүзүлүп жаткандыгы аныкталган.
Прокуратура тарабынан жергиликтүү өз алдынча башкаруу органдары менен биргеликте көрүлгөн чаралардын натыйжасында мыйзамсыз курулуш алынып салынып, жер тилкеси баштапкы абалына келтирилди.
Бул факт боюнча Кылмыш-жаза кодексинин 212-беренеси (Бөтөн жер участогун өзүм билемдик менен ээлеп алуу жана максаттуу багытын бузуу менен айыл чарба багытындагы жерлерге өзүм билемдик менен курулуш куруу) менен кылмыш иши козголуп, учурда тергөө амалдары жүргүзүлүүдө.
Кыргызстанда АИ-95 үлгүсүндөгү бензиндин баасы кескин өсүп, бир литри 109,9 сомго жетти. Ошол эле учурда …
Транспорт жана коммуникациялар министри Талант Солтобаев Балыкчы – Бөкөнбаев – Каракол унаа жолунун курулуш иштерин …
Ысык-Көл облусунун аймагында жер титиреди. Бул тууралуу Сейсмология институтунан билдиришти. Маалыматка ылайык, бүгүн саат 3:50лөрдө …
Караколдо зоопаркка келгендер ак кууну таш менен чаап өлтүрүштү. Бул тууралуу «Бугу-Эне» фонду билдирди. Фонд …
Президент Садыр Жапаров Караколдо МИК курган көп кабаттуу үйлөрдү суу каптаган окуя боюнча комментарий берди. …
Бүгүн, 3-майда ЖКнын жалпы жыйынныда депутат Эрулан Көкүлов Мамлекеттик ипотекалык компания салып жаткан үйлөрдүн сапатына …
