24-апрелден 26-апрелге чейин Поезд каттамдарынын коопсуздугун камсыз кылуу максатында Бишкек-Нарын-Торугарт автомобиль жолунун 108-чакырымында жардыруу иштери жүргүзүлөт. Бул туурасында «Кыргыз темир жолу» ишканасы билдирди.
Маалыматта «жардыруу иштери автомобиль жана темир жол каттамдарына олуттуу коркунуч жараткандыктан Ички иштер министрлигинин жол кыймыл коопсуздугун камсыз кылуу башкы башкармалыгы тарабынан саат 8-00дөн тартып, 22-00гө чейин автомобиль жолу толугу менен жабылат» -деп жазылат.
Ыссык-Көл тарапка баруучу автомашиналар айланып өтүүчү жол аркылуу өткөрүлөт.
