Бишкек.22.08.2019.Govori.TV.
Бишкек — Ош унаа жолунда футболчулар келе жаткан микроавтобус кырсыктап, бир спортчу каза болду. Бул туурасында Чүй облустук Жол кыймылы коопсуздугун камсыздоо башкармалыгынын маалымат кызматы билдирди.
Маалыматка ылайык, Ысык-Көлдүн «Лидер» клубунун футболчулары келе жаткан микроавтобус Honda Stepwgn үлгүсүндөгү автоунаа менен кагышты. Алдын ала маалымат боюнча, Mercedes-Benz Sprinter үлгүсүндөгү микроавтобус Оштон Бишкекке келе жаткан.
Окуя 22-августта, саат 7.00дөр чамасында трассанын 197-чакырымында, Өтмөк ашуусуна бурула берген жерде болгону айтылат.
«Академия-Лидер» командасы 21-августта Ош шаарында «Алай» командасы менен беттеш өткөрүп 1:3 эсебинде утулган. Команданын курамында 14 оюнчу болгон.
