Бүгүн, 27-ноябрда саат 05:49дар чамасында Бишкек-Ош унаа жолунун 590-чакырымында «Мерседес Спринтер» үлгүсүндөгү унаанын айдоочусу рулга ээ боло албай жолдун четиндеги тосмону сүзгөн. Бул тууралуу Өзгөчө кырдаалдар министрлигинен кабарлашкан.
Маалыматка ылайык, кырсыктын кесепетинен 2 аял киши жана 5 эркек киши жабыркаган (аты-жөнү такталууда).
Куткаруучулар жабыркаган адамдарды унаадан чыгарышып, тез жардам кызматкерлерине өткөрүп беришкен.