Бишкек.17.02.2018.Govori.TV
Бишкек—Ош жолунун 420-чакырымында кечээ, 16-февралда жүк ташуучу унаа оодарылып кетти, деп билдирди ӨКМдин басма сөз кызматы.
Болжолдуу маалыматтар боюнча, «Мерседес-Бенц Актрос» үлгүсүндөгү унаа (мамлекеттик номуру 01kg 435 AВ) 7 тонна лампа ташып бара жаткан.
«Кырсыктан адамдар жабыркаган жок. Окуя болгон жерге саат 20:10до Кара-Көл шаарынын №94 өрт-куткаруу бөлүгүнүн куткаруучулар тобу жана жүктөгүч унаа тартылды. Унааны тургузуу боюнча иштер аткарылып, бирок анын ичинде жүк болгондуктан көтөрүүгө мүмкүн болгон жок. Бүгүн автокран тартуу маселеси каралып жатат», — деп айтылат маалыматта.